བརྩེ་འདང་།
                   ཚིག་སྨིན་ཕུར།
                    དབྱངས་རྡོ་རེད།
                  ལེན་མཁན་ཛཾ་དཀར་སྐྱིད། 
                  དྲ་འཇུག་པ།  དབྱངས་ཀྱི་ང་རོ། 

མགོན་དགེ་རྒན་དམ་པར་ཕ་འདང་ཡོད།།
ངར་ཕ་འདང་ཡོད་དོན་བཤད་རྒྱུ་ན།།
ངར་ཤེས་རིག་ཡོན་ཏན་ཁ་རུ་བླུགས།།
ངར་ཕ་འདང་ཡོད་དོན་དེ་འདྲ་རེད།།

གནས་སློབ་གྲྭའི་གླིང་ལ་ངར་མ་འདང་ཡོད།།
ངར་མ་འདང་ཡོད་དོན་བཤད་རྒྱུ་ན།།
རྒྱུད་ལང་ཚོའི་འཇོན་ཐང་དེ་ནས་སྨིན།།
ངར་མ་འདང་ཡོད་དོན་དེ་འདྲ་རེད།།

ཕྱོགས་སློབ་གྲོགས་རྣམ་ལ་སྤུན་འདང་ཡོད།།
ངར་སྤུན་འདང་ཡོད་དོན་བཤད་རྒྱུ་ན།།
བཅུད་སློབ་གསོའི་ནུ་འོ་མཉམ་དུ་འཐུང་།།
ངར་སྤུན་འདང་ཡོད་དོན་དེ་འདྲ་རེད།།