སེམས་ཀྱི་མི།

གླུ་ཚིག རི་ཕྱོར་འབྲུག་འབུམ།
དབྱངས བསོད་ནམས་སྟོབས་རྒྱལ།
གཞས་པ བསོད་ནམས་སྟོབས་རྒྱལ།

སེམས་ཀྱི་མི།
མི་སེམས་ཡོད་པའི་ཁྱོད་རང་།།
སེམས་པའི་གཏིང་ལ་སིམ་ཡོད།།
བླ་དང་སྲོག་གི་འདང་ཡོད།།
སེམས་ཀྱི་མི་དེ་སླར་ཡང་དྲན།།
དྲན་པའི་མེ་ལྕེ་རེ་རེ།།
ཉིན་དང་མཚན་ལ་འབར་སོང་།།

སེམས་ཀྱི་མི།
མི་གཤིས་ཡོད་པའི་ཁྱོད་རང་།།
སེམས་པའི་ཟབ་སར་བཞུགས་ཡོད།།
ཤ་དང་མཆིན་པའི་འདང་ཡོད།།
སེམས་ཀྱི་མི་དེ་སླར་ཡང་དྲན།།
དྲན་པའི་མིག་ཆུ་རེ་རེ།།
ལོ་དང་ཟླ་བ་བཞུར་སོང་།།

སེམས་ཀྱི་མི།
བརྩེ་སེམས་ཡོད་པའི་ཁྱོད་རང་།།
སེམས་པའི་གསེང་ལ་ཉར་ཡོད།།
གློ་དང་སྙིང་གི་འདང་ཡོད།།
སེམས་ཀྱི་མི་དེ་སླར་ཡང་དྲན།།
དྲན་པའི་ན་ཟུག་རེ་རེ།།
རུས་པའི་གསེང་དུ་ལྷག་སོང་།།