བྱམས་པའི་དུས་དྲན།
གླུ་ཚིག རི་ཕྱོར་འབྲུག་འབུམ།།
དབྱངས། རྨ་གླིང་ལྷུན་འགྲུབ།།
གླུ་བ། རྨ་གླིང་ལྷུན་འགྲུབ།

རང་བྱུང་གི་སྤང་ལྗོངས་ཐང་ནས།།
མེ་ཏོག་གི་ཕྲ་རྒྱན་མཛེས་བྱུང་།།
མེ་ཏོག་གི་འཇམ་ཤ་རེ་རེའི།།
བྱམས་པ་ཡི་འཛུམ་མདངས་བསུས་ཡོང་།།

ཡ་ལ་ནས་སོ་་་་་་་་་
མེ་ཏོག་གི་འཇམ་ཤ་རེ་རེའི།།
བྱམས་པ་ཡི་འཛུམ་མདངས་བསུས་ཡོང་།།

ལོ་ཟླ་ཡི་བརྒྱུད་རིམ་ཁྲོད་ན།།
དབྱར་གཞུང་ལས་སྐྱིད་ཅིག་མེད་བྱུང་།།
དབྱར་ཀ་ཡི་གཏམ་རྒྱུད་རེ་རེའི།།
བྱམས་པ་ཡི་ལང་ཚོ་བསྣུམས་ཡོང་།།

ཡ་ལ་ནས་སོ་་་་་་་
དབྱར་ཀ་ཡི་གཏམ་རྒྱུད་རེ་རེའི།།
བྱམས་པ་ཡི་ལང་ཚོ་བསྣུམས་ཡོང་།།

རྒྱང་བཞུད་ཀྱི་ཕྱིར་མིག་བར་ནས།།
བརྗེད་མེད་ཀྱི་ལས་དབང་ཟབ་སོང་།།
ལས་དབང་གི་བཀོད་སྒྲིག་རེ་རེའི།།
བྱམས་པ་ཡི་དུས་དྲན་ཚོར་ཡོང་།།

ཡ་ལ་ནས་སོ་་་་་་་་
ལས་དབང་གི་བཀོད་སྒྲིག་རེ་རེའི།།
བྱམས་པ་ཡི་དུས་དྲན་ཚོར་ཡོང་།།