མདུན་ཤོག > རོལ་མོ། > རོལ་ཆ།རོལ་ཆ།

རྔ་བོ་ཆེ།

2013-09-13 22:51:54 ཡོང་ཁུངས། ཀྲུང་གོའི་བོད་ལྗོངས་དྲ་བ། ཀློག་གྲངས།

        378bb0738a1a0857a713e3b95d6f5dd8.jpg

       རྔ་བོ་ཆེ་དང་།རྫ་རྔ།རྔ་ཕྲན།རྔ་ཆེན་པོ།རྔ་མུ་ཀུན།ཌ་མ་རུ།བརྡ་མ་སོགས་རྔ་ལ་རྣམ་པ་མི་འདྲ་བའི་རིགས་དེ་དག་ཕལ་ཆེར་ཆོས་ཕྱོགས་ཀྱི་བྱེད་སྒོ་སོགས་ལ་སྤྱོད་པ་མང་དུ་མཆིས།སྤྱིར་རྔ་དང་།སྦུབ།དུང་།རྒྱ་གླིང་།པི་ཝང་།གླིང་བུ་སོགས་རིགས་འདྲ་མིན་སྣ་ཚོགས་འཛམ་གླིང་ཡུལ་གྲུ་ཀུན་ལ་གནའ་སྔ་མོ་ནས་དར་ཁྱབ་བྱུང་ཡོད་ལ།བོད་ལྗོངས་སུ་ཡང་ལོགས་སུ་མ་མཆིས་པར་པུར་རྒྱལ་ཐོག་མའི་དུས་ནས་རྔ་ནི་བོན་ཆོས་ཀྱི་མཆོད་རྫས་དང་རྫུ་འཕྲུལ་གྱི་ཡོ་བྱད་སོགས་ལ་གཙིགས་ཆེ་བའི་དངོས་པོ་ཞིག་ཏུ་གྱུར་ཡོད།དེ་ཡང་"ཆོས་འབྱུང་མཁས་པའི་དགའ་སྟོན་"ལས་"དུར་གཤེན་མཚོན་ཆ་ཅན་གྱིས་གསོན་གཤིས་གྱི་རྩིས་བྱེད།ཐམས་ཅད་རྔ་གཤང་གི་སྒྲ་འཁྲོལ།འཇིམ་པའི་ཤྭ་བ་ནམ་མཁར་འགྲོ་བ་དང་།རྔ་ལ་བཞོན་ནས་འགྲོ་བ་སོགས་ཟག་བཅས་ཀྱི་རྫུ་འཕྲུལ་མང་པོ་སྐད་"ཅེས་འཁོད་པས་སྤྱི་ལོའི་དུས་རབས་ཀྱི་གོང་ནས་བོད་དུའང་རྔ་ཡོད་པ་བོན་གྱི་ལོ་རྒྱུས་ནས་ར་འཕྲོད་དོ།    །